冠強牧師的字裡行間

啟：聖誕節已經來到，普天同慶的日也是為著咱人類有的

應：行佇烏暗中的百姓欲看見大光，徛起佇死蔭的所在，有光照in

啟：兩千外年前，聖子上帝親身對天降落來，來到世間

應：祂對聖神投胎，佇在室女馬利亞出世成作聖嬰孩耶穌

啟：著聽天使teh吟講、報大好的消息，歸榮光佇新生王

應：恁欲看見一個嬰仔，用布包，睏佇槽裡的，此個就是互恁做記號

啟：親像以賽亞書九章6節應允：

    「有一個嬰仔為咱來出世；有一個子賞賜咱。伊欲負擔國政」

應：伊的名稱做：

    「奇妙謀士、全能的上帝、永遠佇在的父、和平的人君」

齊聲：伊的國政及平安欲加添無窮盡，

      萬軍的耶和華的熱心欲成此個事

啟：上帝送互咱世間人尚大的禮物

應：就是照約翰福音三章16節所講

啟：上帝給咱尚大的禮物是什麼？

應：是祂的「獨生愛子」耶穌基督

啟：得著恩典尚大的是是誰(chi-chui)？

應：「祂愛所有的世間人」，包括你kap我

啟：上帝愛世間人尚大的行動是什麼？

應：是「道成肉體」，對至高的天降臨佇尚卑微的馬槽

啟：咱beh怎樣才能凍得著這個恩典？

應：上帝嘴說未盡的恩典只要「信」就得著

啟：世間尚大的吸引力kap滿足是什麼？

應：獨獨只有耶穌基督，祂是咱的救主

啟：上帝尚大、尚好、尚美的應允kap賞賜是什麼？

應：是互咱未沉淪，享受豐盛的生命，擱得著「永遠的活命」

齊聲：佇極高的位榮光歸佇上帝！地上和平佇伊所歡喜的人的中間！